close
如果你無聊如我，看畢整個翡翠歌星賀台慶的話，一定明白點解一個節目為何停辦七年。話明翡翠歌星賀台慶，定以歌星為主，但那班歌星的表演真係得啖笑。
一開始紅組的大合唱已取我狗命(如果那還叫合唱！)，白組的眾星拱照潘姐姐直情把觀眾的情緒推往頂峰(那叫做伴舞？)。跟住既 Tik Tak 舞有夠救命，有草猛、Juno、Joey、Yumiko 等跳得下既歌手唔用，居然要 Eason、Candy、At17、Soler佢地送死？再黎紅白組鬥唱，Candy、GiGi 同 HoCC 居然成張貓紙拎出黎睇，相信後面一眾靜候上位的女歌手已經偷笑。到紅組派代表鬥唱，天呀！居然是鄭嘉穎、林保怡、林峰同陳豪，翡翠歌星賀台慶明存實亡。
接下來的天鵝湖表演，有冇人可以話我知 Stephy 同 Fiona 係度做咩呀！一眾女星的舞蹈真係，係咪可以排得齊小小呢？不過白組都未夠紅組求期，紅組直情係求撚期。一眾男歌手穿上蘇格蘭服操出來的時候狗記還是滿有期望的，但望見佢地拎住個風琴係度揸流灘真係想死，仲要排圈，小學生表演都不如。跟住所謂森巴森林的表演真係好好睇，睇住林峰同方力申跳舞已經笑爆嘴。咁樣唔係捧佢，係害佢。阿叻既 Tango 及白組既棟篤笑似係自瀆多過表演，之後已經睇唔到落去。最後居然黎個反高潮，四虎合唱笨小孩後，再黎華仔表演心口碎大石。(不過呀江道海師傅係咪同華仔有仇呢？塊大石碎左都仲要仆多野。)咁都仲未夠，為左拖延時間居然要楊千嬅碎鄭中基大石。唉！維威喂賀台慶下年都係唔好搞啦！
全站熱搜
留言列表
