close
To 不可愛的老妹：
老妹呀！老妹！老媽入長洲原來有目的架，你老哥我俾人昆左入去呀！
事緣當日在婆婆的家裡 BBQ，完事後大家在廳中睇電視，跟住你老媽就問貞 EE：『去唔去睇搶包山。』咁大家就你一言我一語話無綫有直播，又熱、又逼。咁跟住老媽就話：『唔去睇搶包山，咁唔落黎長洲啦！』咁你老哥我孝順，死都話去啦。你老爹同貞 EE 見到老媽興致勃勃咁又話去，仲屈埋男仔去。到十點零鍾，你老爹居然話眼訓要返上去訓先，男仔又話熱唔去。最後得返我同老媽同貞 EE 去。
去到睇完咁就閃啦！你老媽失驚無神同貞 EE 講：『最後一年冧飽山我地有份睇，第一年搶返飽山我地又有份睇。』天呀！原來老媽黎見證歷史呀！
另外，今日見到趙海珠。佢真人細細粒(:P)，但幾得。雖然我明白新聞報導員係講求報導新聞角度專業，有深度，持平，咬字清楚.....................但趙海珠真係好得。
From 可愛的老哥
全站熱搜
留言列表
